بصيت تاني لقيتها دخلت جوة الحيطة !

    شاطر

    lewo nardo rewo
    عضو شرف
    عضو شرف

    ذكر عدد الرسائل : 90
    العمر : 24
    المزاج :
    دعاء :
    تاريخ التسجيل : 07/12/2008

    بصيت تاني لقيتها دخلت جوة الحيطة !

    مُساهمة من طرف lewo nardo rewo في الأحد فبراير 08, 2009 8:26 pm

    بصيت تاني .... لقيتها دخلت جوه الحيطه ؟!







    قمت من النوم فجأة
    في عيني نور غريب وقوي جدا
    أستغربت النور ده كله جي منين
    واندهشت لما لقيت الساعه بتشاور على 3 صباحا
    وأن مصباح الغرفة مطفي






    طيب النور ده كله جي منين
    وانفزعت لما لقيت نص ايدي جو الحيطه
    شديتها بسرعه
    خرجت
    وانا ببصلها بكل اندهاش
    رجعتها تانى لقيتها دخلت جوه الحيطه
    استغربت ايه اللى بيحصلي ده






    وسمعت صوت ضحك
    بصيت نحيته
    لقيت اخويا نايم جمبي
    ولقيته بيحلم
    بيحلم انه راكب عربيه اخر موديل
    وانه رايح حفلة كبيره قوي
    لناس اغنيه قوي
    وانه لابس اغلى واشيك لبس
    عشان يكون احلى واحد فى الحفلة
    وكان بيضحك
    وفرحان
    ابتسمت بس انا عرفت هو بيحلم بأيه ازاى ؟!









    بعدين اتفزعت من اللى بيحصل
    وقمت من على السرير
    وجريت على اودة امي وابي
    قعدت اصحى فى امي واطبطب عليها
    وانديها بس هى مش بتستجيب
    قعدت انديها كتير واطبطب كتير
    ولقيتها فجأه قامت
    كانت مخضوضه قوي
    وبتبص يمين وشمال
    قولتلها يا ماما انت مش شيفانى
    لقيتها مش بترد
    ولا بتبصلي
    قعدت انادى



    ماما



    ماما




    كانت حاطة ايدها على قلبها
    وبتقول بسم الله الرحمن الرحيم
    لقيتها بتطبطب على بابا وبتصحيه
    ولما قام
    قالت له قوم نطمن على الاولاد
    قالها ده وقته
    قالتله معلش قلبي مش مطمن
    في حاجه غريبه
    وانا واقف مستغرب
    قعدت اقولها يا ماما
    انا اهو يا ماما
    انت مش شيفانى
    ياماما







    قامت ومشيت
    حاولت امسك هدومها لكن الهدوم مش بتتمسك
    جريت وقفت قدمها
    عدت من جوايا
    ملقتش غير انى امشي وراها
    وبابا كان وريا
    محاولتش ابصله
    عشان ما يتجاهلنيش برده
    ودخلت امى الاوضه وفتحت النور
    مكنش
    تفرق عندى
    لأن الدنيا كانت منورة اصلا





    انفزعت لما لقيتنى نايم على السرير
    وقعدت ابص لجسمى وايدى وانا مستغرب
    انا ازاي بقيت اتنين
    انا مين
    ومين اللى نايم على السرير ده ان مكنش انا
    وقطع استغرابي
    جملة بابا "استريحتى يا ستى اهم نايمين اهو "








    لكن هي قالتله معلش
    انا عاوزه أطمن على أحمد
    ولقيتها بتقرب مني
    قصدى من الشخص اللى نايم مكانى
    وبتطبطب عليه
    كانت بتقوله يا احمد
    لكن هو مش بيرد
    وكانت بتطبط بشويش
    وبدأت تهزه جامد
    جريت عليها
    وقلتلها يا ماما انا اهو
    رودي عليا
    لكن صوتها كان بيزيد خوف وكان بيعلى
    كانت بتنادي
    احمد
    احمد
    وفجأة صرخت ولقيت الصرخة بتوجعنى قوي
    كانها بتضربنى
    بكيت
    وقلتلها ما تصرخيش
    وهى بتقول احمد
    وبابا جري علي وحط ايده على وشى وصرخ وبكى
    وحسيت بالوجع تانى







    احمد مش بيرد
    والبكاء بيزيد وانا مش عارف اعمل ايه
    صحي اخويا على الصوت وهو بيسال في ايه
    ماما صرخت
    اخوك مات يا
    محمد

    مات








    وانا بقولها ببكائي لأ والله
    ياماما
    انا أهوه شوفيني شوفينى
    انت مش سمعاني
    لكن ما فيش امل
    بصيت للسما وقلت يارب ايه اللى بيحصل ده
    لكن ما لقتش سقف
    وشفت ناس
    ولما شوفتهم
    مشيوا
    وحسيت بطعنه غريبه
    وحجات بتقطعنى بصيت لمحمد لقيته بيصرخ
    قلتله اسكت انت بتعذبني
    لكنه كان بيزيد فى الصراخ
    وماما بتبكي فى حضن بابا
    والنحيب بيزيد
    وقفت قدمهم عاجز
    ومزهول








    رفعت راسي تانى
    وقلت يارب
    ايه اللى بيحصل يارب
    فى ايه
    وسمعت صوت من كل حته
    كان جي من بعيد
    ركزت معاه
    لقيته بيعلا
    وبيزيد
    كأنه قرآن
    أيوا قرآن
    والصوت بدأ يقوى
    يقوى قوي
    هزنى من شدته
    كان بيقول





    لَقَدْ كُنتَ فِي غَفْلَةٍ مِّنْ هَذَا ف***شَفْنَا عَنكَ غِطَاءكَ
    فَبَصَرُكَ الْيَوْمَ حَدِيدٌ







    وفى زهول الصوت
    لقيت ايدين بتطبق عليا
    اتنين شكلهم مش من البشر
    بيقوليلى تعالى
    قلتهم انتم مين
    وعاوزين منى
    ايه
    شدونى
    صرخت
    سيبونى
    ما تخدونيش من اهلى
    اهلى فكرونى مت
    قالولى ما انت مت فعلا









    قلتلهم ازاي
    ما انا شايف اهو وبتكلم وحاسس بكل حاجه
    ابتسموا وقالوا
    عجيب امركم يا بشر كلكم فاكرين ان الموت نهايه الحياة
    وما تعرفوش ان حياتكم موت
    وحلم طويل هتصحو منه على اليوم ده
    على العالم ده
    سألتهم انا فين وانتو واخدنى على فين
    قالولي احنا حراسك لحد القبر
    اتفزعت
    قبر ايه
    انتوا هتدخلونى القبر
    ردوا
    كل انسان لازم يدخل القبر
    بس انا عمرى ما دخلت القبر
    ده مكتوب على كل البشر
    طول عمرى كنت بكره الكلمه دي
    مبحبش اسمعها بستعيذ بالله منها بحاول انسها
    مكنتش بقدر اتخيل نفسي فى المكان الصعب
    ده











    سألتهم بخوفي
    هتسيبونى
    قالولي مع عملك
    طيب وعملى ده كويس
    سكتم
    ولقيت واحد بيصرخ وبيبكي وواحد تانى سعيد قوي
    وكل واحد فيهم واقف معاه اتنين بردة زى اللى معايا
    سألتهم ده بيبكى ليه
    قالوا
    ده عارف مصيره
    طول عمرة كان من اهل الضلال
    قلت
    يعنى
    رايح النار
    واللي بيضحك ده رايح الجنه
    طيب انا
    رايح على فين
    قولولي
    ردوا عليا









    هما كانو عارفين هما ايه فى الدنيا
    ودلوقتى عارفين هما فين فى الاخره
    وانت عشت طول عمرك
    تايه
    متردد
    شويه تمشي صح وشويه تمشي غلط
    شويه تتوب وترجع تعصي تاني
    ما كنتش واضح
    هتفضل بردة انهاردة تايه مش عارف حاجه
    اتفزعت وقلت
    يعنى ايه
    انا رايح النار
    قالولى رحمة ربنا واسعه
    ولسة الرحلة طويلة










    بصيت وريا لقيت عمي
    وابويا واخويا
    ماشين وراهم امي واهلي
    بيبكوا
    شايلين صندوق
    جريت عليهم
    ناديت
    محدش بيرد
    ناديت على امى
    قلتلها يا امى ما تبكيش
    ادعيلى







    ناديت على بابا
    قلته يا بابا
    خلى بالك من امى واخويا
    ناديت على محمد
    قلتله يا محمد خلى بالك من نفسك سيبك من الدنيا ومتاعها
    دي رخيصة قوي
    صدقنى مش هتنفعك
    ناديتهم كلهم
    بس كانو مشغولين بالبكاء
    ومحدش سامعنى
    مكنتش بتمنى حاجه فى اللحظة دي
    الا انهم يسمعونى
    وشدنى
    الملكين
    ونزلونى القبر
    ونيمونى فوق الجسد
    عشان اشوف ابويا وهو بيرمى التراب عليا بنفسه
    علشان اشوفهم وهما بيودعونى
    وخوفى عليهم
    انهم مش حاسين باللى انا حاسه
    وحسدى ليهم انهم لسة فى الدنيا
    بس للأسف
    كنت ببكى وهما بيبكوا
    كنت خايف عليهم من الدنيا قوى
    واتمنى لو اصرخ ولو يسمعونى
    وخرجم كلهم
    وقفلوا الباب
    والنور تحول سواد







    (اعمل
    للدنيا بقدر بقائك فيها واعمل للآخرة بقدر بقائك فيها واعمل لله بقدر
    حاجتك اليه واعمل من المعاصي بقدر ما تطيق من العقوبة ولا تسأل الا من لا
    يحتاج الى أحد واذا أردت أن تعصي الله فاعصه في مكان لا يراك فيه)


    www.zidan.net.tf خاص بمنتديات محمد زيدان
    avatar
    Abu Farouq
    الإدارة العامة
    الإدارة العامة

    ذكر عدد الرسائل : 158
    العمر : 23
    المزاج :
    دعاء :
    تاريخ التسجيل : 28/11/2008

    رد: بصيت تاني لقيتها دخلت جوة الحيطة !

    مُساهمة من طرف Abu Farouq في الأربعاء فبراير 11, 2009 2:59 am

    قصة مؤثرة بحق

    بارك الله فيك


    _________________
    حزني في القلب يدمي.........وقلمي بالأسى يملي


    lewo nardo rewo
    عضو شرف
    عضو شرف

    ذكر عدد الرسائل : 90
    العمر : 24
    المزاج :
    دعاء :
    تاريخ التسجيل : 07/12/2008

    رد: بصيت تاني لقيتها دخلت جوة الحيطة !

    مُساهمة من طرف lewo nardo rewo في الأربعاء فبراير 11, 2009 10:25 pm

    شكرا يا عمر على ردك

      الوقت/التاريخ الآن هو السبت نوفمبر 25, 2017 5:00 am